Արցախի արտգործնախարար Սերգեյ Ղազարյանը կողմ է արտահայտվել ԵԱՀԿ Մինսկի խմբի աշխատանքի վերսկսմանը։
«Արցախ. շրջափակման 100 օր» տեսակամուրջի ժամանակ ԱԳ նախարարը կրկնել է, որ «մենք կարծում ենք, որ բոլոր երեք համանախագահող երկրներն էլ ինչ-որ չափով պատասխանատու են 44-օրյա պատերազմից հետո ստեղծված իրավիճակի համար»։
Պատասխանելով Ֆրանսիայի դերի մասին հարցին՝ նախարարը նշել է Լաչինի միջանցքի ապաշրջափակմանը հասնելու փորձերում ակտիվ գործունեության մասին։ «Միեւնույն ժամանակ, հաշվի առնելով, որ շրջափակումը չի վերացվել, այդ աշխատանքները պետք է շարունակվեն»,- ասել է նախարարը։ Նրա խոսքով, ԵԱՀԿ Մինսկի խմբի ձեւաչափը, հաշվի առնելով նրա կուտակած փորձը, անհրաժեշտ է վերականգել։