Առաջիկա տասնամյակներին Գանգես գետը, որը համարվում է աշխարհի ամենաջրառատ գետերից մեկը, կարող է ծանծաղանալ։ Գանգեսի եւ Հարավային Ասիայի մի շարք այլ գետերի համար այսպիսի ճակատագիր է կանխատեսել ՄԱԿ-ի գլխավոր քարտուղար Անտոնիու Գուտերիշը։
«Առաջիկա տասնամյակների ընթացքում սառցադաշտերը եւ սառցե վահանները կշարունակեն նահանջել, եւ հիմալայան խոշոր գետերը, ինչպիսին են Գանգեսը եւ Բրահմապուտրան, իրենց վրա կզգան դրա ազդեցությունը, դրանց հոսքը կնվազի»,- ասել է միջազգային կազմակերպության գլխավոր քարտուղարը։
Գուտերիշն ավելացրել է, որ ծովի մակարդակի բարձրացումը՝ աղի ջրի «ներխուժման» հետ միասին, կոչնչնացնի այդ գետերի հսկայական դելտաների մեծ մասը։ ՄԱԿ-ի գլխավոր քարտուղարը նշել է, որ սառցադաշտերը Երկիր մոլորակի խմելու ջրի վիթխարի պահեստարանն են, որն ապահովում է սննդով, առողջությամբ եւ էներգիայի արտադրությամբ։ Ընդ որում՝ Երկիր մոլորակի յուրաքանչյուր չորրորդ մարդ (մոտ երկու մլրդ հոգի) ապրում է այն շրջաններում, որտեղ սառցադաշտերն ու ձյան սեզոնային հալոցքն են պատասխանատու ջրով մատակարարման համար։
«Մենք պետք է անհապաղ կրճատենք արտանետումները, ուժեղացնենք ադապտացման միջոցներն ու ապահովենք կլիմայական արդարություն։ Իսկ զարգացող երկրները պետք է ունենան ռեսուրսներ ադապտացման եւ կլիմայական աղետների հանդեպ կայունության բարձրացման ռեսուրսներ»,- ընդգծել է Գուտերիշը։