Ռուսաստանը ԵԱՏՄ-ի իր գործընկերների հետ համաձայնեցրել է ազգային արժույթների օգտագործման ընդլայնման մոտեցումները։ Այս մասին հայտարարել է ՌԴ վարչապետ Միխայիլ Միշուստինը՝ Պետդումայում ներկայացնելով կառավարության 2022 թվականի հաշվետվությունը, հաղորդում է ՌԻԱ Նովոստին։

«Հետագայում առեւտրաշրջանառությունը մեծացնելու նպատակով միության շրջանակներում զարգացնում ենք անկախ ֆինանսական համակարգ։ Համաձայնեցրել ենք նաեւ ազգային արժույթների օգտագործման ընդլայնման մոտեցումները։ Անցյալ տարի միայն ապրանքների մասով դրանց բաժինը կազմել է 85 տոկոս։ Մտադիր ենք շարունակել այդ քաղաքականությունը»,- ասել է Միշուստինը։