Chevrolet ամերիկյան ավտոարտադրողը նախատեսում է 2024թ. ավարտել Camaro մոդելի արտադրությունը։ Այս մասին տեղեկացրել է բրենդի մամուլի ծառայությունը։
Նշվել է, որ վեցերորդ սերնդի վերջին Camaro-ն Միչիգանում բրենդի ամերիկյան գործարանի հարահոսից կիջնի 2024թ. հունվարին։ Ի պատիվ արտադրությունն ավարտելու՝ Chevrolet-ն կթողարկի Camaro RS եւ SS, ինչպես նաեւ Camaro ZL-1 կոլեկցիոն ավտոմեքենաների խմբաքանակ։
Մամուլի ծառայության տվյալներով՝ մոդելի կոլեկցիոն տարբերակների պատվերները դիլերները կսկսեն ընդունել 2023թ. ամռանը։