2023 թվականի մարտին կայացած նիստից հետո Մեծ Բրիտանիայի Կենտրոնական բանկը բարձրացրել է հիմնական տոկոսադրույքը 4,25 տոկոս՝ 4 տոկոսից եւ պատրաստ է այն էլ ավելի բարձրացնել՝ ինֆլյացիոն ճնշման մեծացման դեպքում։ Այս մասին ասվում է երկրի ֆինանսական կարգավորիչի մամուլի հաղորդագրությունում։
Տոկոսադրույքն այժմ գտնվում է ամենաբարձր մակարդակի վրա 2008 թվականի հոկտեմբերից հետո, երբ այն կազմում էր 4,5 տոկոս: Փետրվարին կարգավորիչը բարձրացրել է տոկոսադրույքը 0,5 տոկոսային կետով, դեկտեմբերին՝ նույնքան, իսկ նոյեմբերին՝ 0,75 տոկոսային կետով։
«Մեծ Բրիտանիայի բանկային համակարգը պահպանում է կայուն դիրքերը, այդ թվում՝ իրացվելիության հարցում», - հետեւում է նյութից։