Մարտի 21-ի երեկոյան պարեկային ծառայության Գեղարքունիքի մարզի գումարտակի ոստիկանները Երևան-Սևան-Իջևան ճանապարհին ստուգել են 19-ամյա դիլիջանցու վարած մեքենան։ Երիտասարդի մոտ ատրճանակ կար։

Ոստիկանությունից NEWS.am-ին հայտնում են, որ նա ձերբակալվել ու, մեքենայով հանդերձ, տեղափոխվել է ոստիկանության Սևանի բաժին։ Նշանակվել է փորձաքննություն։ Հանգամանքները քննությամբ պարզվում են։