ՀՀ-ում հավատարմագրված օտարերկրյա դեսպանությունների ռազմական կցորդները մարտի 23-ին այցելել են Մարշալ Բաղրամյանի անվան ուսումնական կենտրոն: Այս մասին NEWS.am-ը տեղեկանում է Պաշտպանության նախարարությունից:
Զորամասի հրամանատարը ռազմադիվանագիտական ներկայացուցիչների պատվիրակությանը ներկայացրել է որոշ մանրամասներ զորամասի պատմության, կառուցվածքի, խնդիրների եւ գործունեության վերաբերյալ, ինչպես նաեւ պատասխանել կցորդներին հետաքրքրող հարցերին:
Ճեպազրույցից հետո ռազմական կցորդները շրջել են զորամասի տարածքում, ծանոթացել զինծառայողների սոցիալ-կենցաղային պայմաններին, ուսումնանյութական բազային:
