Մեծ Բրիտանիայի թագավոր Կարլ III-ի Ֆրանսիա այցը, որը նախատեսված էր մարտի 26-ից մարտի 29-ը, հետաձգվել է հանրապետությունում կենսաթոշակային բարեփոխումների դեմ ցույցերի պատճառով։ Այս մասին ասվում է ուրբաթ Ելիսեյան պալատի տարածած հայտարարության մեջ։
«Ֆրանսիայում կենսաթոշակային բարեփոխումների դեմ ակցիաների նոր ազգային օրվա կապակցությամբ, որը նախատեսված է երեքշաբթի՝ մարտի 28-ին, Կարլ III թագավորի այցը երկիր, որն ի սկզբանե նախատեսված էր մարտի 26-29-ը, կհետաձգվի»,- ասվում է տեքստում։
Այսպիսով, առաջին երկիրը, որը Կարլ III-ը կայցելի բրիտանական գահին բարձրանալուց հետո, այժմ կլինի Գերմանիան: Թագավորի ժամանումը Բեռլին նախատեսված է մարտի 29-ին։