Եգիպտոսում հնագետները հայտնաբերել են ավելի քան 2000 հնագույն մումիֆիկացված ոչխարների գլուխներ, որոնք որպես ընծա մնացել են Ռամզես II փարավոնի տաճարում, հայտնում է Զբոսաշրջության եւ հնությունների նախարարությունը:

Շների, այծերի, կովերի, գազելների եւ մանգուստների մումիաները նույնպես դուրս են հանվել մի խումբ ամերիկացի հնագետների կողմից Նյու Յորքի համալսարանի Աբիդոսում, որը գտնվում է հարավային Եգիպտոսում եւ հայտնի է իր տաճարներով եւ դամբարաններով:

Ամերիկյան առաքելության ղեկավար Սամեհ Իսկանդարն ասել է, որ խոյի գլուխները «ընծաներ» են, որոնք վկայում են «Ռամզես II-ի պաշտամունքի մասին, որը նշվում է նրա մահից 1000 տարի անց»:

Ռամզես II-ը Եգիպտոսը ղեկավարել է գրեթե յոթ տասնամյակ՝ մ.թ.ա. 1304-ից 1237 թվականներին:

Բացի մումիֆիկացված կենդանիների մնացորդներից, հնագետները հայտնաբերել են մոտ 4000 տարի առաջ կառուցված հինգ մետր հաստությամբ պատերով պալատի ավերակներ։

Նրանք նաեւ գտել են մի քանի արձաններ, պապիրուսներ, հին ծառերի մնացորդներ, կաշվե հագուստ եւ կոշիկներ:

Աբիդոսը, որը գտնվում է Կահիրեից մոտ 435 կիլոմետր հարավ՝ Նեղոս գետի վրա, հայտնի է իր տաճարներով եւ նեկրոպոլիսներով։