Գերմանիայի կառավարության կողմից խոստացված 18 Leopard 2 տանկերը հանձնվել են Ուկրաինային։ Այս մասին հայտնում է Spiegel-ը՝ հղում անելով աղբյուրներին։

Ըստ թերթի՝ Ուկրաինային Leopard 2 տանկեր մատակարարելու մասին Գերմանիայի իշխանությունների որոշումից մոտ երկու ամիս անց տեխնիկան հաջողությամբ փոխանցվել է Կիեւին։

Spiegel-ի նյութում նշվում է, որ վերջին տանկերը Գերմանիայից հեռացել են անցյալ շաբաթվա վերջին։ Բացի այդ, ըստ հրապարակման, ռազմական գործողությունների գոտի է հասցվել նաեւ 40 հետեւակի մարտական Marder մեքենա։ Միաժամանակ նշվում է, որ Գերմանիայի կառավարությունն, անվտանգության նկատառումներից ելնելով, թաքցնում է զենքի մատակարարումների ստույգ ուղին։