News
Լրահոս
News
Հինգշաբթի
Մարտ 28
Տեսնել լրահոսը

Audi-ի նախկին գլխավոր տնօրեն Ռուպերտ Շտադլերն, ամենայն հավանականությամբ, կլինի բարձրագույն օղակի առաջին ղեկավարը, ով կդատապարտվի դիզելային վառելիքի արտանետումների հետ կապված սկանդալի համար, քանի որ երեքշաբթի Մյունխենի դատարանը նախնական գնահատական է տվել խարդախության մեղադրանքի հիմնավորվածությանը, հաղորդում է Reuters-ը:

Շտադլերին եւ երեք այլ մեղադրյալների, որոնք ինժեներներ են եղել, 2020 թվականին մեղադրանք է առաջադրվել սկանդալում նրանց դերի համար այն բանից հետո, երբ 2015 թվականին Volkswagen մայր-ընկերությունը եւ Audi-ն խոստովանել են, որ անօրինական ծրագրակազմ են օգտագործել՝ արտանետումների ստուգման ժամանակ խաբելու համար:

Նախագահող դատավոր Շտեֆան Վայկերտն ասել է, որ Շտադլերին, Audi-ի նախկին ղեկավար Վոլֆգանգ Հաթսին եւ Ջովանի Պամիո անունով ինժեներին սպառնում է ազատազրկում, որը կկասեցվի միայն «եթե նրանք լիովին խոստովանեն»։ Չորրորդ ամբաստանյալի գործով դատարանը քրեական հանցագործության էական ապացույցներ չի գտել։

Գերմանական օրենսդրության համաձայն՝ խարդախությունը պատժվում է մինչեւ 10 տարվա ազատազրկմամբ։ Սպասվում է, որ դատավճիռը կկայացվի առաջիկա ամիսներին։

Դատավարությունն ամենաաղմկահարույցներից մեկն է Volkswagen-ի դիզելային շարժիչների եւ նրա Audi դուստր-ձեռնարկության սկանդալից հետո: Բացահայտումներն այն մասին, որ արտանետումների միլիոնավոր փորձարկումները կեղծվել են, ի հայտ են եկել 2015 թվականի սեպտեմբերին:

Դատախազությունը հայտնել է, որ երեք ինժեներներն այնպես են շահարկել շարժիչները, որ նրանք համապատասխանել են արտանետումների սահմանված ստանդարտներին փորձարկման ժամանակ, բայց ոչ ճանապարհին: Շտադլերին մեղադրում են սկանդալի հայտնի դառնալուց հետո մանիպուլյացիայի ենթարկված մեքենաների վաճառքը չդադարեցնելու մեջ։

Դատարանը հայտարարել է, որ ամբաստանյալների դեմ ուղղված այլ մեղադրանքները՝ մեքենաների աղտոտվածության անօրինական մակարդակի հետ կապված փաստաթղթերի կեղծմանը անուղղակի մասնակցությունը եւ կեղծ գովազդը հաստատող ապացույցներ չի տեսնում:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Volvo-ն թողարկել է իր վերջին դիզելային մեքենան
Սա նշանավորում է Volvo-ի 45-ամյա հարաբերությունների ավարտը դիզելային շարժիչների հետ՝ դարձնելով այն...
Audi-ն ներկայացրել է Q6 e-tron էլեկտրական քրասովերը
Գերմանիայում դրա մեկնարկային գինը կլինի նույնը, ինչ՝ վերջին Lexus RX450h+-ինը...
Նոր Mercedes-AMG GT-ն՝ չորս մխոցանի շարժիչի վարկածով
Motor.ru-ն հայտնել է, որ երկու լիտրանոց M 139 «չորսանոց»-ը հագեցած է էլեկտրական տուրբո ճնշակով...
Toyota Corolla-ն այլևս աշխարհում ամենավաճառվող մեքենան չէ
Համաշխարհային շուկայի նոր առաջատարը 2023 թվականի վերջին Tesla Model Y էլեկտրական մեքենան էր...
Սարգսյանն ու Ավագումյաններն Ուկրաինայից ավտոմեքենաներ ներկրելու խոշորագույն մենաշնորհ են ստեղծում. «Կոմպրոմատ գրուպ»
Ուկրաինացիների հետ կապերի համար Ավագումյանների նկատմամբ, ըստ աղբյուրի, դժգոհություն է եղել, իսկ Սարգսյանը զարմանալիորեն կարողացել է դրանից խուսափել․․․
Հայտնի է դարձել, թե ինչպիսին է լինելու Skoda ամենաէժան էլեկտրամեքենան
Թեև Epiq-ն ունի կոնցեպտի մոդելի կարգավիճակ, դրա օրինակը ցույց է տալիս Skoda-ի դիզայնի պարադիգմի փոփոխություն...
Ամենաշատ