News
Լրահոս
News
Ուրբաթ
Մարտ 29
Տեսնել լրահոսը

Այսօր Աջարիային վրա հասած փոթորկի հետեւանքով Քոբուլեթիի Աղմաշենեբելի փողոցում ծառ է ընկել ավտոմեքենայի վրա, ինչի հետեւանքով մեկ մարդ մահացել է, հայտնում է Netgazeti.ge-ն։

Տեղեկությունը հաստատել են Բաթումիի ՆԳՆ-ում, հետաքննություն է սկսվել։

Այս պահին ուժեղ քամու հետեւանքով այլ տուժածների մասին տեղեկություններ չկան։

Այսօր՝ մարտի 28-ին, Աջարիայում ուժեղ քամին վնասել է ենթակառուցվածքները, տապալել ծառեր, մասնակի կամ ամբողջությամբ քանդել տների տանիքները։

Արտակարգ իրավիճակների կառավարման ծառայության տվյալներով՝ Աջարիայից ուժեղ քամու պատճառած վնասների մասին տասնյակ հաղորդումներ են ստացվել։

Բաթումում փոթորիկը պոկել է տասնյակ տների տանիքներ, տապալել ծառեր, վնասել էլեկտրասյուներն ու կանգառները։ Վնասվել են նաեւ անձնական ավտոմեքենաներ։

Բաթումի նավահանգստում փոթորկի ուժգին պոռթկումները դատարկ կոնտեյներներ են շրջել եւ վնասել են հերթապահների կրպակը։

!
Այս նյութը հասանելի է նաև   Русский
Տպել
Ամենաշատ