ՀԱՊԿ-ում այժմ ակտիվ նախապատրաստվում են մայիս-հունիս ամիսներին կայանալիք արտաքին գործերի եւ պաշտպանության նախարարների խորհուրդների, ՀԱՊԿ անվտանգության խորհուրդների քարտուղարների կոմիտեի հերթական նիստերին, ասել է ՌԴ ԱԳ փոխնախարար Միխայիլ Գալուզինը:
«Օրակարգը բավականին հագեցած է, ինչը վկայում Է կազմակերպության մեծ պահանջարկի մասին իր պատասխանատվության գոտում անվտանգության եւ կայունության ապահովման հարցերի լուծման հարցում»,-ասել է Գալուզինը RTVi-ին տված հարցազրույցում:
Նա հիշեցրել է, որ ՀԱՊԿ շրջանակներում փոխգործակցության ամրապնդման այս եւ այլ հարցերը քննարկման առարկա են դարձել նախարարներ Սերգեյ Լավրովի եւ Արարատ Միրզոյանի՝ 2023 թվականի մարտի 20-ին Մոսկվայում կայացած հանդիպման, ինչպես նաեւ վերջերս ՀԱՊԿ գլխավոր քարտուղար Իմանգալի Տասմագամբետովի՝ Երեւան կատարած այցի ընթացքում։