Բանկերն ինձ հետ գործարք չեն անում, որովհետեւ սեւ ցուցակում եմ հայտնվել։ Այս մասին այսօր՝ մարտի 30–ին, Կառավարության դիմաց լրագրողների հետ զրույցում ասաց 44–օրյա պատերազմից հետո Քաշաթաղից տեղահանված արցախցի տղամարդը։
Նա դժգոհեց՝ եթե պետությունը բնակարան գնելու համար սերտիֆիկատ է տրամադրում տեղահանվածին, ապա ինչ կապ ունի տեղահանվածի աշխատանք ունենալ–չունենալը, վարկ ունենալ–չունենալը, 53 տարեկան լրացած լինել–չլինելը։
«Եթե բանկին վճարում է պետությունը, ապա սա ի՞նչ կապ ունի, բանկը չի վստահո՞ւմ այն պետությանը, որն իրեն աշխատելու լիցենզիա է տվել, ինչի՞ է իմ հետ պայմանագիր կապում, բայց հաշվի առնում վարկային պատմությունը, եկամուտները ստուգում, այսինքն՝ խոչընդոտներ են ստեղծվել եւ մարդը չի կարողանում բնակարան գնել, որի համար գումար է հատկացնում Կառավարությունը»,– նշեց տղամարդը։
Նա Կառավարությունից պահանջում է, որ այդ խոչընդոտները վերացվեն, եւ իրենք կարողանան սերտիֆիկատով բնակարաններ գնել։
