Ռուսաստանի ներխուժումն Ուկրաինա սպառնում է Եվրոպայի անվտանգությանը։ Այս մասին հայտարարել է պետական այցով Գերմանիայում գտնվող Մեծ Բրիտանիայի թագավոր Չարլզ III-ը՝ Բունդեսթագի պատգամավորների առջեւ ելույթի ժամանակ, փոխանցում է Euronews-ը։
«Աշխարհը ցնցված է Ուկրաինայի պատերազմից, բայց անգործության մատնված չէ եւ միասնություն է դրեւորում այս երկրում հակամարտությունը լուծելու հարցում», - ասել է միապետը՝ նշելով, որ պատերազմը «անպատկերացնելի տառապանք է պատճառել այնքան անմեղ մարդկանց, այնքան շատ կյանքեր են խլվել, իսկ ազատությունն ու արժանապատվությունը դաժանաբար ոտնահարվել են»։
«Եվրոպայի անվտանգությունը եւ մեր ժողովրդավարական արժեքները վտանգի տակ են։ Բայց աշխարհը ձեռքերը ծալած չնստեց, մենք խորապես ցնցված ենք ավերածություններից, բայց մեզ ոգեւորում է մեր միասնությունը, երբ խոսքը վերաբերում է Ուկրաինայում խաղաղության եւ ազատության վերականգնմանը»,- իր ելույթում ասել է Չարլզ III-ը:
