Ավելի քան 30 ավտոբուս՝ մոտ 800 ուղեւորներով, ձյան պատճառով խցանման մեջ է մնացել Ռոստովի մարզում։ Այս մասին ՏԱՍՍ-ին ասել են մարզի տրանսպորտի նախարարության ներկայացուցիչները։
«33 ավտոբուս, 766 մարդ ձյան պատճառով խցանման մեջ են Ռոստովի մարզի ճանապարհներին»,- նշել են գերատեսչությունում։
Նախարարությունում նաեւ ուշադրություն են դարձրել այն հանգամանքին, որ վատ եղանակային պայմանների պատճառով մարզի իշխանությունները որոշում են կայացրել փակել երթեւեկությունն ուղեւորատար ավտոբուսների համար մարզի հյուսիսային երթուղիներում։
«[Ուղեւորատար ավտոբուսների շարժման] բոլոր ուղղությունները դեպի հյուսիս М-4 «Դոն» գծով փակ են»,- նշվել է հաղորդագրությունում։
Մարտի 30-ին նաեւ որոշում է ընդունվել կայարանները փակելու մասին, որպեսզի մարզում վատ եղանակի պատճառով ստեղծված իրավիճակն ավելի չվատանա։
Արդեն մարտի 31-ին մի շարք ուղղություններում՝ Կրասնոդար, Ստավրոպոլ, Տագանրոգ, М-4 «Դոնը» կրկին գործում է։
Այժմ կոմունալ ծառայությունները եւ փրկարարները շարունակում են աշխատել ձյան հետեւանքները վերացնելու ուղղությամբ։
