News
Լրահոս
News
Ուրբաթ
Հունիս 09
USD
386.18
EUR
415.57
RUB
4.67
Տեսնել լրահոսը


Ֆրանսիական Օվերն-Հռենոս-Ալպեր շրջանի ղեկավար Լորան Վոքիեն վկայում է. Ադրբեջանն օկուպացրել է Հայաստանի տարածքը։ Այս մասին նա հայտարարել է Արցախի Հանրապետության արտաքին գործերի նախարար Սերգեյ Ղազարյանի հետ Երեւանում մարտի 31-ին կայացած համատեղ մամուլի ասուլիսում։

Լորեն Վոքիեի գլխավորած պատվիրակությունն այցելել է Սյունիքի մարզ եւ Լաչինի միջանցքի սկզբնամաս։

«Ես Հայաստանի եւ Արցախի բարեկամն եմ երկար տարիներ։ Խորապես ցնցված եմ նրանով, ինչ տեղի է ունենում։ 2019թ. հանդիպել ենք Արցախի ներկայացուցիչների հետ եւ ստորագրել համագործակցության համաձայնագիր։ Իմ շրջանում որդեգրվել է քաղաքական դիրքորոշում՝ Արցախի անկախության իրավունքի հաստատման համար։ Դրա պատճառով իմ եւ ընտանիքիս վրա պանթյուրքական կազմակերպությունները փորձել են ճնշում գործադրել։ Միջազգային հանրության ուշադրությունը կենտրոնացած է Ուկրաինայի վրա, եւ վտանգ կա, որ Հայաստանն ու Արցախը կմոռացվեն։ Ես այստեղ եմ, որպեսզի ասեմ, որ մենք ձեզ չենք մոռանում, դուք մենակ չեք, եւ իրավունքների խախտումներ Հայաստանում, Արցախում եւ Լաչինի միջանցքում չպետք է լինեն»,- ընդգծել է ֆրանսիացի քաղաքական գործիչը։

Նա նշել է, որ երկու օր առաջ այցելել է Լաչինի միջանցքի սկզբնամաս։ «Իմ հայրենակիցները պետք է իմանան, որ 120 հազար մարդու իրավունքները ոտնահարվում են, նրանք զրկված են տարրական պահանջմունքները բավարարելու հնարավորությունից։ Ես Սյունիքի մարզպետի կողքին էի, երբ նրան տեղեկացրին, որ այնտեղ, ուր մենք էինք, Ադրբեջանն առաջ է գնացել։ Ես տեսել եմ եւ կարող եմ վկայել իրավունքների խախտման մասին։ Ինչպես եւ տեսել եմ ադրբեջանական դրոշներ հայկական տարածքի բարձունքներում։ Զրուցել եմ Արցախից տեղահանվածների հետ, նրանց խոսքերը հուզում են մինչեւ հոգուս խորքը։ Մեր եւ իմ՝ որպես քաղաքական գործչի պարտականությունն է՝ օգնության գալ ձեզ»,- ասել է Վոքիեն։

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Բայրամովն ու Կլաարը քննարկել են հայ-ադրբեջանական հարաբերությունների կարգավորման գործընթացը
Ինչպես հաղորդում են ԶԼՄ-ները՝ վկայակոչելով ԱԳՆ-ն, հանդիպման ընթացքում Բայրամովն ու Կլաարը մտքեր են ․․․
Հաղորդակցությունների ապաշրջափակումը կապված չէ հայ-ադրբեջանական խաղաղության համաձայնագրի հետ. Մհեր Գրիգորյան․ «Առկա»
«2020 թվականի նոյեմբերի 9-ի հայտարարության կառուցվածքից կարելի է հասկանալ, որ դրանք առանձին կետեր են․․․
ՌԴ ԱԳՆ-ն հայտարարել է հայ-ադրբեջանական կարգավորումից Ռուսաստանին դուրս մղելու ԱՄՆ-ի  փորձերի մասին
«ԱՄՆ-ն, իմ գնահատմամբ, փորձում է ամեն տեղ հասնել նույն բանին. մի կողմից՝ դուրս մղել Ռուսաստանին, մյուս կողմից՝ ․․․
ՌԴ փոխարտգործնախարարը հայտնել է, որ Մոսկվան օգնում է Երեւանին եւ Բաքվին խաղաղության պայմանագրի մշակման հարցում
«Ռուսական կողմը կշարունակի իր ջանքերը՝ հայ-ադրբեջանական կարգավորման հարցերի ամբողջական համալիրի ․․․
Որեւէ մեկը կասկածի տակ չի դնում Հայաստանի ինքնիշխանությունը. Օվերչուկը՝ ապաշրջափակման մասին․ Սպուտնիկ Արմենիա
«Սկզբունքորեն տեքստը պատրաստվածության բարձր աստիճանի վրա է, կա երկու-երեք անհամապատասխանություն․․․
Կարծում եմ` կարճ ժամանակ անց Վաշինգտոնում հետաձգված բանակցությունները տեղի կունենան․ Տիգրան Խաչատրյան
Փոխվարչապետ Տիգրան Խաչատրյանը մեկնաբանել է  Վաշինգտոնում Հայաստանի և Ադրբեջանի արտաքին գործերի նախարարների միջև հունիսի 12-ին պլանավորված…
Ամենաշատ