ՀԱՊԿ-ն պատրաստ է առաքելություն ուղարկել հայ-ադրբեջանական սահման՝ ի շահ Հայաստանի անվտանգության ապահովման: Այս մասին հայտարարել Է ՀԱՊԿ քարտուղարության ներկայացուցիչ Յուրի Շուվալովը։
«Ինչ վերաբերում է Հավաքական անվտանգության կովկասյան տարածաշրջանին, ապա կազմակերպությունը մշտապես պատրաստ է ՀԱՊԿ առաքելություն ուղարկել հայ-ադրբեջանական սահման՝ ի շահ Հայաստանի անվտանգության ապահովման եւ օգնության այլ միջոցներ ցուցաբերել»,-ուրբաթ լրագրողներին ասել է Շուվալովը կազմակերպության շտաբում ղեկավար կազմի ընդլայնված խորհրդակցության արդյունքներով:
Շուվալովի խոսքով՝ օգնության միջոցներն արդեն ներառված են ՀԱՊԿ Հավաքական անվտանգության խորհրդի որոշման նախագծում:
Հինգշաբթի օրը Ադրբեջանի պաշտպանության նախարարությունը հայտարարել է, որ հանրապետության ուժերը վերահսկողության տակ են վերցրել Հայաստանի հետ սահմանին գտնվող Լաչինի շրջանի բարձունքներն ու տարածքները, դա կապված է Ղարաբաղը Հայաստանին կապող նոր ճանապարհի շահագործման հետ:
