Մոլդովայի նախագահ Մայա Սանդուն ժամանել է Ուկրաինա։ Նա իր այցի մասին հայտնել է Twitter-ում։
«Այսօր Մոլդովայի ժողովրդի, համաշխարհային հանրության հետ միասին մենք հարգում ենք Բուչայում մեկ տարի առաջ խաղաղ բնակիչների նկատմամբ իրականացված ահաբեկչության հիշատակը։ Մենք հարգում եւ սգում ենք անմեղների համար»,- ասել է Սանդուն:
Նա հավելել է, որ ժողովրդավարական երկրները պետք է միասին աշխատեն՝ ապահովելու համար վայրագությունների հետաքննությունն ու պատիժը։
Մոլդովայի նախագահը լուսանկար է հրապարակել մեկ տարի առաջ ռուս զավթիչներից ազատագրված Բուչայից։ Նախագահ Վլադիմիր Զելենսկու հետ քաղաք են ժամանել նաեւ Սլովակիայի վարչապետ Էդուարդ Գեգերը, Սլովենիայի վարչապետ Ռոբերտ Գոլոբը եւ Խորվաթիայի վարչապետ Անդրեյ Պլենկովիչը։ Վերջիններս այսօր նույնպես պաշտոնական այցերով գտնվում են Ուկրաինայում։
