Վլադիմիր Զելենսկին Մոլդովայի նախագահ Մայա Սանդուի, Սլովակիայի, Սլովենիայի եւ Խորվաթիայի վարչապետեր Էդուարդ Հեգերի, Ռոբերտ Գոլոբի եւ Անդրեյ Պլենկովիչի հետ միասին այցելել է Կիեւի մարզի Բուչա քաղաք, հեռարձակումն իրականացնում է համաուկրաինական հեռուստամարաթոնը։
Զելենսկու, Սանդուի, Հեգերի եւ Պլենկովիչի ներկայությամբ Բուչայի պաշտպանների հուշահամալիրում բարձրացվել է Ուկրաինայի դրոշը։ Դրանից հետո Զելենսկին իր ելույթում հայտարարել է, որ քաղաքին շնորհվել է «Քաղաք-հերոսի» պատվավոր կոչում։
Ուրբաթ օրն ավելի վաղ Հեգերը տեղեկացրել էր, որ ինքը եւ Սլովակիայի պաշտպանության նախարար Յարոսլավ Նադը Ուկրաինա են եկել բանակցությունների համար։ «Вести.ua» պարբերականը գրել է, որ Կիեւ են եկել նաեւ Սլովենիայի եւ Խորվաթիայի վարչապետերը։
