News
Լրահոս
News
Ուրբաթ
Հունիս 21
Տեսնել լրահոսը

Ադրբեջանի նախագահ Ալիեւը անհանգստացած է, որ 44-օրյա պատերազմի նախօրեին ստեղծված բացառիկ պայմանները հավերժ չեն, ուստի կարծում է, որ որքան շուտ հասնի քաղաքական հաղթանակի, այնքան լավ կարող է շահարկել հանգամանքները, քանի որ գիտի, որ ժամանակը կարող է Բաքվի դեմ գործել։ Այս մասին NEWS.am-ի թղթակցի հետ զրույցում ասաց Փարիզի քաղաքագիտության ինստիտուտի փորձագետ Կայծ Մինասյանը։

Նա վստահ է, որ Ալիեւն այս առումով ճնշման տակ է։

Փորձագետը բացատրեց, որ երեք տարի առաջ, երբ սկսվեց 44-օրյա պատերազմը, բացառիկ պայմաններ են ստեղծվել, որոնք այսօր չկան։

«Նախ՝ կար կորոնավիրուսի համաճարակ։ Երկրորդ՝ ԱՄՆ-ում նախագահական ընտրություններ էին։ Երրորդ, այդ ընթացքում Թուրքիան եւ Ռուսաստանը սերտ համագործակցություն էին հաստատել։ Այս բոլոր պայմանների առկայության դեպքում Ադրբեջանը հարձակվեց Արցախի վրա։ Բայց այսօր այս պայմանները չկան՝ չկա կորոնավիրուս եւ Թրամփ, եւ Թուրքիայի եւ Ռուսաստանի համագործակցությունն այնքան հստակ չէ, որքան երեք տարի առաջ էր», - նշեց Մինասյանը։

Նրա կարծիքով՝ Ալիեւը ցանկանում է լուծել Ղարաբաղի հարցը, ուզում է, որ ոչ ոք չխոսի այս խնդրի, Լեռնային Ղարաբաղի կարգավիճակի մասին։

«Բայց եթե նույնիսկ Ալիեւն ասում է, որ այդ խնդիրը չկա, իրականում այն ​​կա։ Ալիեւը չգիտի՝ ինչ անել (այս հարցը փակելու համար – խմբ.)։ Լաչինի միջանցքի արգելափակումն անբավարար միջոց է, եւ Արցախի վրա հարձակումը կարող է հանգեցնել լուրջ հետեւանքների։ Արդյո՞ք ռուսները դա թույլ կտա՞ն։ Ռուսները հասկացան, որ չեն կարող շարունակել նույն քաղաքականությունը, հատկապես, որ Թուրքիան ու Ադրբեջանը Մոսկվայի դեմ անորոշ խաղ են խաղում։ Ուստի Ռուսաստանը չի կարող իրեն թույլ տալ կորցնել ամեն ինչ, քանի որ Հայաստանում 2-3 տարվա ընթացքում հակառուսական տրամադրությունները սրվել են, ինչը վտանգավոր է Ռուսաստանի համար», - հավելեց փորձագետը։

Նա ընդգծեց, որ Ադրբեջանը ցանկանում է հասնել քաղաքական հաղթանակի եւ ստանալ Զանգեզուրի միջանցքը, որը չկա, սակայն ո՛չ Իրանը, ո՛չ Արեւմուտքը, ո՛չ Ռուսաստանը դա չեն ուզում (Մոսկվան ցանկանում է, որ ճանապարհն իր վերահսկողության տակ լինի, եւ ո՛չ՝ Ադրբեջանի):

Արդեն երեք տարի է՝ 44-օրյա պատերազմից հետո, Ադրբեջանը Հայաստանի հետ խոսում է սպառնալիքների լեզվով։ Քանի դեռ Հայաստանը չի ամրապնդվել, Ալիեւը կշարունակի նույն ոգով, կարծում է Մինասյանը։

Ուստի, ըստ փորձագետի, կան էսկալացիայի ռիսկեր, սակայն, ըստ նրա, Հայաստանն այսօր որոշակի ազատություն է զգում՝ երեք տարի առաջվա համեմատ։

«Հայտնի էր, որ Հայաստանը պետք է պարտվեր պատերազմում։ Արտաքին խաղացողներն աշխատում էին Հայաստանի դիրքերը թուլացնելու ուղղությամբ։ Սակայն այսօր պայմանները փոխվել են», - եզրափակեց նա։

Արամ Դանիելյան

!
Այս նյութը հասանելի է նաև   Русский
Տպել
Կարդացեք նաև
Ամբողջը
Խանդանյանը Բրազիլիայի դեսպանին է ներկայացրել Հայաստանի և Ադրբեջանի հարաբերությունների կարգավորմանն ուղղված ՀՀ ջանքերը
Ազգային ժողովի արտաքին հարաբերությունների մշտական հանձնաժողովի...
Սպրդող «խաղաղության պայմանագիր»․ Հայաստանը «պատերազմի խաչմերուկում». Ձյունիկ Աղաջանյան
Ցանկացած ընթերցողի կթվա, թե այս բառերն ասվել են ՀՀ գործող իշխանությունների մասին, սակայն սա ամերիկյան գործող վարչակարգի…
Պատմական փաստերը կեղծելու Բաքվի մանիպուլյատիվ քաղաքականության հերթական դրսևորում. ԿԳՄՍՆ-ն հերքում է տարածված լուրերը
Հայաստանի Հանրապետության պատմամշակութային ժառանգության պահպանումը, վերականգնումն ու հանրահռչակումը Կրթության, գիտության, մշակույթի և սպորտի...
Այս պահի դրությամբ Ոսկեպարի ուղղությամբ այն ցանկապատը, փշալարերը, որի նկարները տարածվում են, չկան. Բագրատ Սրբազան
Ես խնդրել եմ երկրորդ անգամ ստուգել բոլոր հնարավոր ծայրերից: Ես ամսի 21-ին…
Հայաստանին մահաբեր զենքի մատակարարումները լուրջ մտահոգություն են առաջացնում. Հաջիև
Սա հարված է Ադրբեջանի և Հայաստանի միջև հարաբերությունների կարգավորման գործընթացին...
Կիրանցեցիները կորցրել են իրենց հողերը մշակելու հնարավորությունը. բնակիչ
Կիրանցի բնակիչները կորցրել են Բերքաբերի ջրամբարի ափին գտնվող գյուղատնտեսական նշանակության հողերը մշակելու հնարավորությունը. անհանգստացած են՝ ինչպե՞ս են հավաքելու այդտեղ ցանված ցորենը...
Ամենաշատ