News
Լրահոս
News
Երեքշաբթի
Մարտ 19
Տեսնել լրահոսը

Առանց միլիոնավոր սովյալների համար հավելյալ դոլարների՝ աշխարհը առաջիկա 12-18 ամիսներին կբախվի զանգվածային միգրացիայի, երկրների ապակայունացման եւ երեխաների ու մեծահասակների սովի, զգուշացրել է ՄԱԿ-ի Համաշխարհային պարենային ծրագրի (ՀՊԾ) ղեկավար Դեւիդ Բիսլին, տեղեկացրել է The Associated Press-ը։

Բիսլին բարձր է գնահատել ԱՄՆ-ի եւ Գերմանիայի կողմից անցյալ տարի ֆինանսավորման ավելացումը եւ կոչ է արել Չինաստանին, Պարսից ծոցի երկրներին, միլիարդատերերին եւ այլ երկրների՝ «մեծ առաջընթաց քայլ կատարել»։

Գործակալության հարցազրույցում նա նշել է, որ «խիստ անհանգստացած է» այն բանով, որ ՄԱԿ-ի Համաշխարհային պարենային ծրագրին չի հաջողվում հավաքել մոտ 23 մլրդ դոլար, որն անհրաժեշտ է այս տարի միլիոնավոր կարիքավորներին օգնելու համար։

Անցած տարի Բիսլին ՄԱԿ-ի ՀՊԾ-ի համար հավաքել էր 14,2 մլրդ դոլար, ինչը կրկնակի գերազանցում էր 2017թ. 6 մլրդ դոլարը, երբ նա զբաղեցնում էր գործադիր տնօրենի պաշտոնը։ Այդ փողերն օգնել են ավելի քան 128 մլն մարդու ավելի քան 120 երկրներում եւ տարածքներում։

Բիսլիի խոսքով՝ անցած տարի նրան հաջողվել է համոզել ԱՄՆ-ին ավելացնել ֆինանսավորումը՝ 3,5 մլրդ-ից հասցնելով 7,4 մլրդ դոլարի, իսկ Գերմանիային՝ 350 մլն դոլարից 1,7 մլրդ դոլարի, բայց համոզված չէ, որ նրանք դա կանեն այս տարի։

Նա նաեւ հայտարարել է, որ մյուս երկրները նույնպես պետք է քայլ առաջ կատարեն՝ սկսած Չինաստանից, որն անցած տարի պարենային ծրագրին հատկացրել է ընդամենը 11 մլն դոլար։

Բիսլին գովել է Չինաստանին քաղցն ու աղքատությունը զգալիորեն կրճատելու համար։

Նավթի բարձր գների պայմաններում Պարսից ծոցի երկրները նույնպես կարող են ավելին անել, մանավանդ մուսուլմանական պետությունները, որոնք կապեր ունեն Արեւելյան Աֆրիկայի, Սահարայի եւ Մերձավոր Արեւելքի այլ տարածաշրջանների երկրների հետ, ասել է նա՝ հույս հայտնելով, որ նրանք կավելացնեն իրենց ավանդները։

Բիսլին նաեւ ասել է, որ ամենահարուստ միլիարդատերերն աննախադեպ շահույթներ են ստացել քովիդի համավարակի ժամանակ, եւ «ավելորդ չի լինի մի քանի միլիարդատերերից խնդրել քայլ առաջ կատարել եւ օգնել կարճաժամկետ ճգնաժամի ժամանակ», չնայած բարեգործությունը պարենային ճգնաժամի երկարաժամկետ լուծում չէ։

Բիսլին կցանկանար տեսնել միլիարդատերերի, որոնք կօգտագործեին իրենց փորձն ու հաջողությունը՝ մասնակցելու համար «ամենամեծ կարիքի լուծմանը»։ Դա պարենի հարցն է, եւ պետք է կերակրել 8 մլրդ մարդու։

«Աշխարհը պետք է հասկանա, որ հաջորդ 12-18 ամիսները կրիտիկական են, եւ եթե մենք դադարեցնենք ֆինանսավորումը, դուք կունենաք զանգվածային միգրացիա, դուք կունենաք ապակայունացած երկրներ, եւ այդ ամենը կլինի երեխաների եւ մարդկանց քաղցի ֆոնին ամբողջ աշխարհում»,- զգուշացրել է նա։

!
Այս նյութը հասանելի է նաև   Русский
Տպել
Կարդացեք նաև
Ամբողջը
ՄԱԿ-ի Թմրամիջոցների և հանցավորության դեմ պայքարի գրասենյակը՝ UNODC-ն, պատրաստակամ է աջակցելու ՆԳՆ բարեփոխումներին
Ավստիայի Հանրապետություն կատարած պաշտոնական այցի շրջանակներում...
Հայաստանը մարդկային զարգացման բարձր մակարդակ ունեցող երկրների թվում է. ՄԱԿ
Զեկույցում նշվում է նաև, որ անհավասարության պատճառով Հայաստանի կորուստները կազմում են 8,3%...
Մանկական մահացությունն աշխարհում հասել է ռեկորդային ցածր մակարդակի. ՄԱԿ
Մանկական մահացության ռեկորդային ցածր մակարդակ աշխարհում...
ՀՀ կառավարությունը շարունակում է հավատարիմ լինել կանանց տնտեսական հզորացման ապահովման իր հանձնառությանը. Նարեկ Մկրտչյան
Կանանց և աղջիկների տնտեսական զորեղացումը գենդերային հավասարության ապահովման ու աղքատության հաղթահարման բանալին է: Կանանց աղքատության…
Թուրք նախարարը բոյկոտել է իսրայելցի գործընկերոջ ելույթը ՄԱԿ-ում
Օրերս Նեթանյահուն նախատել էր Էրդողանին․․․
Նարեկ Մկրտչյանը կմասնակցի Նյու Յորքում կայանալիք ՄԱԿ Կանանց կարգավիճակի հարցերով հանձնաժողովի 68-րդ նստաշրջանին
Այցի ընթացքում նախատեսված են նաև մի շարք հանդիպումներ՝ սոցիալական…
Ամենաշատ