Ուկրաինան Լեհաստանից կստանա 100 հատ Rosomak զրահամեքենա։ Դրանց փոխանցումը ֆինանսավորելու են ԵՄ-ի երկրները եւ ԱՄՆ-ն, տեղեկացրել է «ՌԲԿ-Ուկրաինա»-ն՝ հղում կատարելով Լեհաստանի վարչապետ Մատեուշ Մորավեցկու Թվիթերին։
«Ուկրաինական բանակը մեզանից կգնի 100 Rosomak, որոնք արտադրվում են Սեմյանովիցե-Շլենսկում։ Rosomak-ները թոփ-մարտական զրահամեքենաներ են։ Դրա համար վճարվելու է ԵՄ-ի եւ ԱՄՆ-ի միջոցներով»,- գրել է Մորավեցկին։
Rosomak զրահամեքենաները Լեհաստանի Զինված ուժերի ֆլագմանն են։ Անվավոր զրահամեքենան արտադրվում է բազմաթիվ մոդիֆիկացիաներով եւ հետեւողականորեն մոդիֆիկացվում է Լեհաստանում, AMV XC-360P ավտոմեքենայի բազային լիզենզիոն տարբերակի հիման վրա, որն ստեղծել է Patria ֆիննական ընկերությունը։
Լեհաստանի Զինված ուժերը զինված են Rosomak-ով։ Դրանք ունեն 30 միլիմետրանոց հրանոթ՝ Hitfist աշտարակով։
Լեհաստանի նախագահ Անջեյ Դուդան մինչ այդ հայտարարել էր Ուկրաինային չորս ՄիԳ-29 ինքնաթիռ հանձնելու մասին։