Եվրոպայից ապրանքների վերարտահանումը ԵԱՏՄ-ի երկրներ խախտում չէ։ Այս մասին  լրագրողների հետ զրույցում ապրիլի 6-ին ասել է ՀՀ Պետական եկամուտների կոմիտեի նախագահ Ռուստամ Բադասյանը։

Նա պարզաբանել է, որ Հայաստանը Եվրասիական տնտեսական միության անդամ է եւ հետեւում է բոլոր կանոնակարգերին, որոնք գործում են միությունում։

Նրա խոսքով՝ Հայաստանը շահագրգռված չէ, որպեսզի հայտնվի մի ինչ-որ տարանցման գոտում կամ օգտվի տարանցիկ երկրի որեւէ առավելությունից։ «Հայաստանն այս ուղղությամբ ոչ մի քայլ չի նախաձեռնում»,- ընդգծել է պաշտոնյան։