Տեղ գյուղում ապրիլի 11-ին զոհված Մկրտիչ Հարությունյանը Արագածոտնի մարզի Թալին քաղաքից էր:
NEWS.am-ին նրա ընկեր, հաղորդավար Էրիկ Անթառանյանը պատմեց, որ Մկրտիչի հետ ծանոթացել է 2018 թվականին` «Հատուկ ջոկատ» նախագծի շրջանակներում.
«Մկրտիչը մեր բանակի 10 լավագույն ինստրուկտորներից էր: Ռազմական գործի մեծ վարպետ էր: Նա գիտեր ոչ միայն ռազմական գործը, այլ նաև գլոբալ աշխարհաքաղաքական վերլուծություներ էր անում, սովորում էր նաև բարձրագույն ուսումնական հաստատություններում: 44-օրյային նա իր ընկերոջը մարմինը հանել էր մարտի դաշտից»:
33-ամյա Մկրտիչը ամուսնացած էր, ունի երկու դուստր:
Հիշեցնենք, որ ապրիլի 11-ին Տեղ սահմանամերձ գյուղում փոխհրաձգություն է եղել։ Ադրբեջանի ԶՈւ զինծառայողները մեքենայով մոտենեցել են ինժեներական աշխատանքներ իրականացնող ՀՀ ԶՈւ զինծառայողներին, որից հետո կրակ են բացել ՀՀ ԶՈւ զինծառայողների ուղղությամբ։
Փոխհրաձգության հետևանքով հայկական կողմն ունի 4 զոհ, 6 վիրավոր։
