Հայաստանն անիրատեսական է համարում Ադրբեջանի հետ հարաբերությունների կարգավորումը, ինչպես նաեւ տարածաշրջանում խաղաղության եւ կայունության հաստատումը՝ առանց Լեռնային Ղարաբաղի ժողովրդի իրավունքների եւ անվտանգության հետ կապված խնդիրների լուծման։ Այս մասին այսօր՝ ապրիլի 12-ին, ԱԺ-ում հայտարարեց ՀՀ արտաքին գործերի նախարար Արարատ Միրզոյանը՝ պատասխանելով պատգամավորների հարցերին։ Նրա խոսքով՝ հայկական կողմը միշտ ասել է, որ արցախյան խնդրի լուծումը երկկողմ հարաբերությունների կարգավորման գլոբալ գործընթացի մի մասն է: «Եվ դա ոչ մեկի համար նորություն չէ։ Մենք իրատեսական չենք համարում վերջնական կարգավորումը, երկարաժամկետ խաղաղության եւ կայունության հաստատումը տարածաշրջանում՝ առանց Լեռնային Ղարաբաղի ժողովրդի իրավունքների եւ անվտանգության հետ կապված հարցերի լուծման»,-նշեց նա։