Մեզ մեղադրում են, որ մեր իշխանության օրոք հայ-ռուսական հարաբերությունները փչացել են, բայց ես ուզում եմ այդ մարդկանց հիշեցնել, որ հենց իրենց իշխանության օրոք է առաջին անգամ եղել, երբ ՌԴ-ն Ադրբեջանի հետ բազմամիլիարդանոց զենքի գործարք է կնքել: Այս մասին այսօր՝ ապրիլի 12-ին, ԱԺ-ում հարցուպատասխանի ժամանակ նշեց ՀՀ վարչապետ Նիկոլ Փաշինյանը՝ անդրադառնալով հարցին, թե արդյոք այսօր փչացած են հայ-ռուսական հարաբերությունները եւ ովքեր են դա փչացրել:
«Էդ ի՞նչ արեցին, որ մեր ռազմավարական դաշնակիցը 2011-2012 թվականին առաջին անգամ բազմամիլիարդանոց զենքի վաճառքի գործարք կնքեց Արդբեջանի հետ Ընդ որում, միաժամանակ խստորեն սահմանափակեց զենքի մատակարարումները Հայաստանին: Ես դա իմացել եմ 2016-ին Սերժ Սարգսյանի կողմից գրված մի նամակից, որը ի տարբերություն ուրիշ այլ փաստաթղթերի, արխիվում պահպանված է «հույժ գաղտնի» գրիֆի ներքո:
Ասում են՝ մենք ՀԱՊԿ-ի հետ կապված պրոբլեմներ առաջացրինք, բա դա ՀԱՊԿ-ի հետ կապված ամենամեծ պրոբլեմն է: Ո՞նց առաջացրին այդ պրոբլեմը, թող պատասխանեն»,-ասաց Փաշինյանը: