Հայաստանն ամեն ինչ անում է, որ կայանա Բաքու-Ստեփանակերտ երկխոսություն, այսինքն Ստեփանակերտը հանդես գա բանակցություններում որպես սուբյեկտ։ Այս մասին այսօր՝ մայիսի 2-ին, Աժ-ում լրագրողների հետ զրույցում նշեց ԱԺ ՔՊ խմբակցության պատգամավոր Արման Եղոյանը:
Նրա խոսքով` Բաքվի հետ բանակցություններում յուրաքանչյուր հարցն էլ շատ կարևոր է։
Հարցին՝ պետքարտուղարության ներկայացուցիչները նշում են, որ քննարկվում է «Հարաբերությունների կարգավորման համաձայնություն» անվանումը ստացած նախագիծը, արդյո՞ք դա հենց խաղաղության պայմանագիրն է. «Դա հենց այն փաստաթուղթն է, որի մասին լսում էիք, որ մենք ենք խմբագրել, իրենք են խմբագրել վերջին ամիսներին: Դիտարկմանը՝ անվանումը փոփոխվել է, Եղոյանն ասաց. «Որպեսզի պատասխանեմ հարցին, պետք է բովանդակային մանրամասները բացեմ։ Հիմա փաստաթուղթն ունի այդ անվանումը»։
Նա չկարողացավ ասել՝ երբվանից. «Դա կնշանակի բովանդակության մասին առարկայական խոսակցություն»։