ԱԺ «Պատիվ ունեմ» խմբակցության ղեկավար Հայկ Մամիջանյանի գնահատմամբ՝ հայ-թուրքական գործընթացը շաղկապված է հայ-ադրբեջանական հարաբերությունների ու Արցախյան հակամարտության կարգավորմանը:
Մամիջանյանն այս եզրակացությանն է եկել այն բանից հետո, երբ Վաշինգտոնում Հայաստանի ու Ադրբեջանի ԱԳ նախարարների հանդիպմանը մասնակցել է նաև Թուրքիայի հետ հարաբերություններում ՀՀ ներկայացուցիչ Ռուբեն Ռուբինյանը:
«Խնդիրը Ռուբեն Ռուբինյանի անձը չէ, այլ այն, որ նա Հայաստանի եւ Թուրքիայի միջեւ հարաբերությունների բարելավման գործընթացի պատվիրակն է: Ինքը այնտեղ չի գնացել որպես ԱԺ փոխնախագահ, ինքը այնտեղ գնացել է այդ իր կարգավիճակով: հետեւաբար, դա նշանակում է, որ հայ-թուրքական գործընթացը շաղկապված է հայ-ադրբեջանական հարաբերությունների ու Արցախյան հակամարտության կարգավորմանը:
Հետևաբար, այն հեքիաթները, որ երկու տարի պատմվում էին այս իշխանության կողմից, իբր, այդ երկու գործընթացն իրար հետ կապ չունեն՝ հերթական սուտն էին: Թուրքիան սա հնչեցրել է որպես նախապյման, այլապես Ռուբեն Ռուբինյանի մասնակցությունը այդ բանակցություններից ես չեմ հասկանում», - նշեց նա:
