2023 թվականին Հայաստանում հիմնական տնտեսական ակտիվությունն ապահովելու է շինարարության եւ ծառայությունների ոլորտը։ Այս մասին այսօր՝ մայիսի 2-ին, լրագրողների հետ հանդիպմանն ասաց ՀՀ Կենտրոնական բանկի նախագահ Մարտին Գալստյանը։
«Չեմ կարծում, որ հիմնական ճյուղը, որը կնպաստի տնտեսության աճին, գյուղատնտեսությունն է լինելու»,-նշեց նա։
Գալստյանը հիշեցրեց, որ այդպես է եղել նաեւ անցյալ տարի, երբ 12,6 տոկոս աճի լոկոմոտիվ են դարձել ծառայությունների ոլորտը, առեւտուրը, շինարարության ոլորտը, վերամշակող արդյունաբերությունը։