News
Լրահոս
News
Ուրբաթ
Մարտ 29
Տեսնել լրահոսը

2018 թվականի օգոստոսի 17-ին Նիկոլ Փաշինյանը հայտարարել է. «Մենք կարող ենք ասել, որ Մարտի 1-ի գործն, ըստ էության, ամբողջ ծավալով բացահայտված է». Ձեր հաղորդումից իմ մոտ այնպիսի տպավորություն է, որ Մարտի 1-ի գործն ամբողջ ծավալով բացահայտված չէ: Այս մասին այսօր՝ մայիսի 36-ին, ԱԺ-ում դիմելով ՀՀ գլխավոր դատախազ Աննա  Վարդապետյանին, ասաց «Հայաստան» խմբակցության պատգամավոր Արթուր Խաչատրյանը:

Նշելով, որ կառավարությունն իր հաջողությունների մասին խոսելիս առաջինը հիշատակում է ոստիկանական բարեփոխումները, բայց գլխավոր դատախազի զեկույցից պարզվում է, որ կա հանցագործությունների, թմրամոլության աճ և դրան  զուգահեռ բացահայտումների նվազում՝ Խաչատրյանը հարցրեց. «Արդյո՞ք այս ամենը չի նշանակում, որ ոստիկանական բարեփոխումները եթե կատարելապես չեն ձախողվել, ապա գոնե սխալ ուղության վրա են, որովհետև պարզ տրամաբանությունն ասում է, որ եթե ճիշտ ուղության վրա լինեին, ապա աճ չէր լինի, լավագույն դեպքում կայունացում կլիներ, մինչև տեսնեինք, թե ինչ ենք անում»:

Գլխավոր դատախազն անդրադարձավ Նիկոլ Փաշինյանի՝ Մարտի 1-ի գործի բացահայտված լինելու մասին հայտարարությանը վերաբերող հարցին. «Քրեադատավարական ընթացքի և քրեաիրավական գնահատականների մասին միակ սուբյեկտը, որը կարող է խոսել վարույթի մասին՝ վարույթն իրականացնող մարմինն է: Քրեադատավարական բացահայտման տեսանկյունից կարծում եմ այստեղ իմաստային տարբերություն կա: Ես ինքս, ցավոք, այդ ելույթը չեմ լսել: Քրեադատավարական կոմպոնենտ այդտեղ լինել չի կարող, քանի որ Մարտի 1-ի գործը դեռևս գտնվում է նախաքննության փուլում: Այսինքը՝ նախաքննության փուլում քրեադատավարական իմաստով բացահայտված վարույթ չկա»,-հայտարարեց Աննա Վարդապետյանը:

Նա չհամաձայնեց, որ ոստիկանության բարեփոխումները ձախողել են, քանի որ եթե նախկինում թմրանյութերը տարածվում էին առձեռն, մարդկանց միջոցով, ապա այսօր՝ կիբերտիրույթում  են կատարվում:

«Որևէ դեպքում հանցագործությունների որակական փոփոխությունները չեն կարող ասել, որ բարեփոխումները ձախողել են, ընդհակառակը՝ բարեփոխումները պետք է ձգտեն այս հանցագործությունների որակական փոփոխությունների հետևից»,-ասաց Վարդապետյանը:

Հայտարարելով, որ նոր գործիքներ պետք է տային ոստիկանությանը, որպեսզի նրանք ճիշտ կարողանային պայքարել նոր որակի հանցագործությունների դեմ՝ Խաչատրյանն ասաց. «Թմրամիջոցների տարածման դեմ պայքարելու համար ոչ թե հովերբորդեր գնեիք, այլ մի քիչ ավելի շատ բան սովորացնեիք կիբերհանցագործությունների մասին»:

Պատգամավորը շեշտեց, որ նախորդ տարի Հայաստանում արձանագրվել է խաղամոլության, հանցագործության, թմրամոլության, ինքնասպանությունների թվերի աճ. «Արդյոք սա չի նշանակում, որ մեր հասարակությունը 2022 թվականին՝ այս իշխանությունների ներքո դեգրադացվել է»,-հարցրեց ընդդիմադիր պատգամավորը:

ՀՀ Գլխավոր դատախազը ասաց, որ ինքը չի կարող քաղաքական հայտարարություններ անել և դրական համարեց պարեկային ծառայության ներդնումը:

Տպել
Կարդացեք նաև
Ամբողջը
Բաքվում մտադիր են «հավերժացնել» Հայոց ցեղասպանության գաղափարախոսներից մեկի եղբոր հիշատակը
Բաքվում մտադիր են հավերժացնել...
Ալեն Սիմոնյանը եւ ՔՊ-ական պատգամավորները հարգանքի տուրք են մատուցել մարտի 1-ի զոհերի հիշատակին
Գրիգոր Լուսավորչի փողոցին հարակից այգում գտնվող «Ազդեցություն եւ հակազդեցություն» հուշարձանին...
Ապագայում, մարտի 1-ը դառնալու ա Հայաստանի սուվերենության փրկության օր. Տիգրան Քոչարյան
Այդ ժամանակ ՀՀ իշխանության մեջ գտնվող մի քանի մարդկանց...
Մարտի 1-ի դեպքերով Ռոբերտ Քոչարյանի, Յուրի Խաչատուրովի և մյուսների գործով Վճռաբեկ դատարանը դիմել է ՍԴ
Քոչարյանն ու նրա ենթակաները արդարացվեցին 2021թ․ ապրիլին, երբ ՍԴ-ն...
Ավինյանը ավագանու ՔՊ և «Հանրապետություն» խմբակցությունների  հետ հարգանքի տուրք է մատուցել մարտի 1-ի զոհերի հիշատակին
Գրիգոր Լուսավորիչ փողոցին հարակից այգում գտնվող «Ազդեցություն և հակազդեցություն» հուշարձանին...
Քաղպաշտպանության համակարգի զարգացումը և կարողությունների հզորացումը ՆԳՆ գերակա ուղղություններից է. Վահե Ղազարյան
Ամեն տարի մարտի 1-ին աշխարհը համախմբվում է՝ նշելու Քաղաքացիական…
Ամենաշատ