Հայաստանը ձեռքերը լվացել է Արցախից, դրա հետ իր շահերից ելնելով համաձայն չէ Ռուսաստանը, քանի որ եթե խաղաղապահները հեռանան Արցախից, ապա Մոսկվան ամբողջությամբ կկորցնի Հարավային Կովկասը։ Այս մասին NEWS.am-ի հետ զրույցում ասաց քաղաքագետ Ստեփան Դանիելյանը։

Նրա գնահատմամբ՝ Ռուսաստանի դիրքերն այսօրվա դրությամբ թուլացել են, այդ թվում՝ Ուկրաինայում տեղի ունեցած իրադարձությունների եւ Բաքվի ու Անկարայի միջեւ կապերի ամրապնդման պատճառով:

«Առաջիկայում Ռուսաստանից տարածաշրջանում իմ շահերը պաշտպանելու համար կտրուկ քայլեր չեմ ակնկալում։ Այս առումով հնարավորությունների պատուհան է բացվում Թուրքիայի եւ Ադրբեջանի համար՝ հաշվի առնելով նաեւ Հայաստանում անվերջանալի զիջումների պատրաստ իշխանության առկայությունը»,-նշեց փորձագետը։

Նա չբացառեց, որ Բաքուն կարող է ուժի դիմել, ինչը միշտ կապված է նոր տարածքներ գրավելու նպատակների հետ։

Հայաստանի գլխավոր ներքաղաքական խնդիրը Դանիելյանը համարում է իշխանափոխությունը։