Հայ Ազգային Կոնգրեսի կենտրոնական գրասենյակի համակարգող Լեւոն Զուրաբյանը, սեպտեմբերի 29-ին, հանդիպել է Հայաստանում Մեծ Բրիտանիայի դեսպան Չարլզ Լոնսդեյլի եւ Բրիտանիայի արտաքին գերատեսչության Արեւելյան Եվրոպայի եւ Կենտրոնական Ասիայի վարչության պաշտոնյա Ալան Փարֆիթի հետ:
Հանդիպման ընթացքում քննարկվել է Հայաստանում ստեղծված ներքաղաքական իրավիճակը, մասնավորապես իշխանությունների եւ ընդդիմության միջեւ երկխոսության տապալման պատճառները, սեպտեմբերի 30-ին կայանալիք հանրահավաքը, ընդդիմության անելիքները, Հայաստանում արդար եւ ազատ ընտրությունների անցկացման հնարավորությունները, այդ կապակցությամբ` արտահերթ նախագահական եւ խոհրդարանական ընտրություններ անցկացնելու ընդդիմության պահանջը: