Tesla Roadster սպորտային էլեկտրամեքենայի արտադրությունը հետաձգվել է մինչեւ 2024թ., տեղեկացրել է Electrek պարբերականը։
Tesla-ի ղեկավար Իլոն Մասկը ընկերության բաժնետերերին ասել է, որ Roadster մեքենաների զանգվածային արտադրությունը կհետաձգվի մինչեւ 2024թ.։ Պաշտոնական տեղեկատվությամբ՝ Tesla Roadster-ը համարվում է բրենդի ամենաարագ էլեկտրամեքենան. ունի ժամում 400 կիլոմետր առավելագույն արագություն եւ կարող է տեղից 100 կիլոմետր պոկվել 1,9 վայրկյանում։
Մասկը չի նշել ձգձգման պատճառը։ Սկզբում նախատեսվում էր, որ 2017թ. ազդարարված էլեկտրամեքենան վաճառքի կհանվի 2020թ.։ Հետո արտադրությունը մի քանի անգամ նորից հետաձգվել է։ Մեքենայի արժեքը առնվազն 130 հազար դոլար կամ մոտ 10,5 մլն ռուբլի է։
Electrek-ի մասնագետների խոսքով՝ Roadster-ն ունի S Plaid մոդելի նման բնութագրեր՝ կարող է պոկվել ժամում 100 կիլոմետր երկու վայրկյանից էլ քիչ ժաամանակում։ Սակայն վազքուղում Tesla Roadster-ը, հավանաբար, ավելի արագ կլինի, քանի որ թափքն ավելի թեթեւ է։