ՀԱՊԿ պաշտպանության նախարարների խորհուրդը հինգշաբթի Մինսկում կայացած նիստում հաստատել է կազմակերպության հավաքական անվտանգության ուժերի կառավարման մարմինների եւ ուժերի ու միջոցների ձեւավորման համակարգի համատեղ պատրաստման 2024թ. պլանը, տեղեկացրել է Բելառուսի պաշտպանության նախարարությունը։
Մամուլի ծառայության տվյալներով՝ հաստատվել է մինչեւ 2030թ. ՀԱՊԿ հավաքական անվտանգության համակարգի կառավարման մարմինների եւ ուժերի ու միջոցների ձեւավորման համատեղ պատրաստման միջոցառումների ցանկը , որը հիմք է ՀԱՊԿ շրջանակում համատեղ պատրաստվածության միջոցառումների ամենամյա պլանավորման համար։
«Պաշտպանության նախարարների խորհուրդը նաեւ ընդունել է որոշում ՀԱՊԿ 2023թ. հավաքական անվտանգության համակարգի կառավարման մարմինների եւ ուժերի ու միջոցների ձեւավորման համատեղ պատրաստվածության պլանում մի շարք փոփոխություններ կատարելու մասին»,- նշվել է հաղորդագրությունում։
Բացի այդ, տեղեկացվել է, որ ՀԱՊԿ պաշտպանության նախարարների խորհրդի մասնակիցները անհրաժեշտ են համարում փոխել կազմակերպության իրավական բազաները եւ նրա մասնակիցներին՝ անվտանգության հավաքական ուժերի գործադրման մասին որոշումների ընդունման օպերատիվության ապահովման համար։