Մայիսի 14-ի քվեարկության արդյունքները Թուրքիայի նախագահի եւ խորհրդարանական ընտրություններում ցրեցին երկրում դիկտատուրայի առկայության մասին պնդումները։ Այս մասին հայտարարել է Թուրքիայի նախագահ Ռեջեփ Թայիփ Էրդողանը ընտրությունների երկրորդ փուլի շեմին։

«Մայիսի 14-ին մենք տեսանք թուրքական դեմոկրատիայի էությունն ընտրատեղամասերում»,- գրել է նա Թվիթերում։

Էրդողանի կարծիքով՝ Թուրքիան աշխարհին ցույց տվեց, որ հանրային կարծիքի մանիպուլացման փորձերը ԶԼՄ-ներում հրապարակումների միջոցով չեն հանգեցնի որեւէ արդյունքի։ «Թուրքիայի հասցեին ապատեղեկատվության հետեւում կանգնած էին նաեւ նրանք, ովքեր չեն կարող հասնել անգամ ընտրողների կեսի մասնակցությանն իրենց երկրների ընտրություններում։ Մայիսի 14-ի քվեարկությունը ցրեց մեր երկրի մասին արծարծվող սուտը»,- ասել է Թուրքիայի նախագահը։

Նրա կարծիքով՝ Թուրքիայում նախագահական ընտրությունների առաջին փուլը ցույց է տվել «ժողովրդի հեռատեսությունը»։ «Մենք դրան հասել ենք 85 մլն մարդու հետ միասին, որ քաղաքական կուսակցության օգտին էլ որ նրանք քվեարկած լինեն։ Հույս ունեմ, որ մայիսի 28-ից հետո մենք միասին առաջ կտանենք մեր երկրի ձեռքբերումները»,- նշվել է սոցցանցի հրապարակման մեջ։