Թուրքիայում Ռուսաստանի առաջարկած «գազային հաբի» բանակցային գործընթացը կարող է ակտիվանալ առաջիկայում, տեղեկացրել է «ՌԻԱ Նովոստի»-ն՝ հղում կատարելով Թուրքիայի նախագահի վարչակազմում ունեցած աղբյուրին։
Էրդողանը նախագահական ընտրությունների երկրորդ փուլում հաղթանակելուց հետո խոստացել է իրականացնել «գազային հաբի» նախագիծը։ Նա հաղթել է ընտրողների ձայների 52 տոկոս արդյունքով։ Ընտրությունների արդյունքները կհրապարակվեն հունիսի 1-ից ոչ շուտ։
«Կարծում եմ, առաջիկայում բանակցությունները հաբի վերաբերյալ կակտիվանան»,- ասել է գործակալության զրուցակիցը։
Գազի առքուվաճառքի գործողությունները ՌԴ առաջարկած գազային հաբով նախատեսվում է սկսել 2024թ., տեղեկացրել է էներգետիկայի եւ բնական ռեսուրսների նախարար Ֆաթիհ Դոնմեզը։ Թուրքիան սկսել գազային հաբի ուղղությամբ աշխատանքը։ Նրա խոսքով՝ եվրոպական մի շարք երկրներ, այդ թվում Հունգարիան եւ Սերբիան, շահագրգռված են հաբով գազ ստանալու հարցում։
ՌԴ եւ Թուրքիայի նախագահները անցած տարվա հոկտեմբերին հանձնարարել էին մանրամասն մշակել Թուրքիայում գազային հաբի ստեղծման հարցը։ Դրանով, մասնավորապես, կարելի կլիներ տեղափոխել գազի մատակարարումը վնասված «Հյուսիսային հոսքերից»։ Խոսքը ոչ միայն Թուրքիայում առեւտրային հարթակի ստեղծման մասին էր, այլ նաեւ ենթակառուցվածքի զարգացման եւ հարավային ուղղությամբ մատակարարումների ավելացման, տեղեկացրել է ՌԴ փոխվարչապետ Ալեքսանդր Նովակը։ Կարող են մասնակցել նաեւ այլ երկրներ, ասել է նա. հարավային ուղղությամբ Եվրոպա կարող են գազ մատակարարել նաեւ Ալժիրը, Կատարը եւ Ադրբեջանը։
«ՌԻԱ Նովոստի»-ի աղբյուրն ասել է, որ Էրդողանը մտադիր է շարունակել միջնորդությունն Ուկրաինայի հարցում։
«Ուկրաինայի թեման, Թուրքիայի միջնորդությունն այդ հարցում մեր արտաքին քաղաքականության առաջնահերթությունն է։ Կշարունակվեն հրադադարի եւ խաղաղ բանակցությունները վերսկսելու կոչերը։ Այս հակամարտությունում հաղթողներ չեն լինելու, ասել է նախագահը»,- նշել է գործակալության զրուցակիցը։
Նա ավելացրել է, որ Էրդողանի համար առաջնահերթ է նաեւ «ցորենի գործարքը»։
