Իրանի Արևմտյան Ադրբեջան նահանգում ոչնչացվել է իսրայելական խմբավորումների հետ կապված ահաբեկչական խմբավորումը, հայտնում է Mehr-ը։
«Հետախուզական ուժերը՝ համագործակցելով դատական համակարգի հետ 14 ահաբեկիչ են ձերբակալել», - երկուշաբթի օրը հայտնել է դատական իշխանության ներկայացուցիչը։
Աղբյուրի փոխանցմամբ՝ ահաբեկիչները մտադիր են եղել բացահայտել ու սպանել մի քանի մարդու։
Անցյալ շաբաթ հետախուզության նախարարությունը հայտարարեց, որ ոչնչացրել է արտաքին հետախուզական ծառայության հետ կապված ցանցը։ Նախարարությունը նշել է, որ ցանցը հետևել է տարբեր պաշտոններում պատասխանատու պաշտոններ զբաղեցնող կամ երկրի գաղտնի հաստատություններում զգայուն տեղեկատվության հասանելիություն ունեցող անձանց։
