Իրանը հայտարարել է, որ ԱԷՄԳ-ի բարձրացրած երկու հարցերը կարգավորվել են Թեհրանի բարի կամքի շնորհիվ, որը հետագա համագործակցության պատրաստակամություն է հայտնել, եթե գործակալությունը հավատարիմ մնա իր զուտ մասնագիտական աշխատանքին, տեղեկացրել է Mehr-ը։
Իրանի Ատոմային էներգիայի կազմակերպության (ԻԱԷԿ) եւ Ատոմային էներգիայի միջազգային կազմակերպության (ԱԷՄԳ) միջեւ վերջին տեխնիկական բանակցությունների ընթացքում ԱԷՄԳ-ի բարձրացրած գործը օբյեկտներից մեկի մասին (ենթադրվում է՝ Աբադեհի օբյեկտը) կարգավորվել է։ Այսպիսով, երկրորդ գործը գործակալությունը փակել է, տեղեկացրել են հարցին ծանոթ աղբյուրները։
Բացի այդ, փակվել է նաեւ ԱԷՄԳ ենթադրյալ գործը 83,7 մաքրությամբ ուրանի մասնիկներ գտնելու մասին։
ԱԷՄԳ ղեկավար Ռաֆայել Գրոսիի մարտին Թեհրան կատարած այցի ժամանակ, մասնավորապես, ԻԻՀ նախագահ Էբրահիմ Ռայիսիի հետ նրա հանդիպման ընթացքում, Իրանի նախագահն ասել էր նրան, որ, հենվելով բարի կամքի վրա եւ կատարելով իր պարտավորությունները՝ երկիրը պահում է համագործակցությունը գործակալության հետ ամենաբարձր մակարդակում, եւ եթե ԱԷՄԳ-ն հավատարիմ մնա տեխնիկական մոտեցմանը եւ չհայտնվի այն տերությունների ազդեցության տակ, որոնք ձգտում են գերիշխանության, այդ համագործակցությունը կարող է շարունակվել եւ զարգանալ՝ դառնալով երկու կողմերի միջեւ առաջացած դրական մթնոլորտի պահպանման կարեւորագույն պատճառներից մեկը։
