Իրանի արտաքին գործերի նախարարության` Պարսից ծոցի հարցերով գլխավոր տնօրեն Ալիռեզա Էնայաթին հայտարարել է, որ ապագայում Իրանի, Օմանի, Թուրքմենստանի եւ Ուզբեկստանի միջեւ միջանցք կգործարկվի:
Էնայաթին IRNA-ին տված հարցազրույցում մատնանշել է Օմանի սուլթան Հեյսամ բին Թարիք ալ Սայիդի՝ վերջերս Թեհրան կատարած այցը՝ ասելով, որ Իրանի եւ Օմանի միջեւ առեւտրի ծավալն անցյալ տարի ավելացել է 2 մլրդ դոլարով:
Նրա խոսքով՝ Իրանի եւ Օմանի միջեւ տրանսպորտի եւ նավագնացության ոլորտում եւս առաջընթաց է գրանցվել։
Էնայաթիի խոսքով՝ Թեհրանի եւ Մասկատի միջեւ լուրջ քննարկումներ են անցկացվել «Աշխաբադի համաձայնագրի» ակտիվացման շուրջ, որը վերաբերում է Իրանի, Օմանի, Թուրքմենստանի եւ Ուզբեկստանի միջեւ տարանցիկ երթուղուն, փոխանցում է Mehr-ը:
