Եվրոպայի խորհուրդն այսօր որոշում է կայացրել գրեթե կրկնակի ավելացնել Մոլդովային մակրոֆինանսական օգնության ծավալը, որը համաձայնել է տրամադրել մեկ տարի առաջ: Այս մասին ասվում է ԵԽ հայտարարության մեջ։

2022 թվականի ապրիլին նա օրենսդրություն է ընդունել, որը թույլ է տալիս ԵՄ-ին 150 մլն եվրոյի չափով ֆինանսական օգնություն ցուցաբերել Մոլդովային։ Այսօր նա այդ գումարն ավելացրել է 145 մլն եվրոյով, ինչը նշանակում է, որ ընդհանուր առմամբ Մոլդովային կտրամադրվի 295 մլն եվրո։ 

ԵՄ մակրոֆինանսական օգնությունն ուղղված է Մոլդովայի տնտեսական կայունացմանն ու կառուցվածքային բարեփոխումների ծրագրին աջակցելուն՝ լրացնելով ԱՄՀ-ի հետ ֆինանսական համաձայնագրի շրջանակներում տրամադրվող ռեսուրսները:

295մլն եվրոյի առավելագույն գումարից ԵՄ-ն կտրամադրի մինչեւ 220 մլն եվրո վարկերի եւ մինչեւ 75 մլն եվրո դրամաշնորհների տեսքով։  

Սույն որոշումն ուժի մեջ կմտնի Եվրամիության պաշտոնական ամսագրում հրապարակման երրորդ օրվանից։