Մայիսի 30-ին ԱԽ քարտուղար Արմեն Գրիգորյանը հանդիպել է Ավստրիայի դաշնայինկանցլերի արտաքին քաղաքական հարցերով խորհրդական Բարբարա Կաուդել-Ջենսենիհետ: Այս մասին NEWS.am-ին հաղորդում են Անվտանգության խորհրդի գրասենյակից:
Զրուցակիցները քննարկել են տարածաշրջանային եւ ավելի լայն արտատարածաշրջանային անվտանգային միջավայրը:
Քարտուղար Գրիգորյանը մանրամասներ է ներկայացրել հայ-ադրբեջանական բանակցությունների ընթացքից եւ շեշտել հայկական կողմի դիրքորոշումները մի շարք հարցերի շուրջ:
Կողմերը քննարկել են երկկողմ հայ-ավստրիական հարաբերությունների հետաքրքրության շրջանակը ներառող հարցեր: Վերոնշյալի շրջանակում Ա.Գրիգորյանը կարեւորել է ԵՄքաղաքացիական առաքելության դերակատարությունը տարածաշրջանում կայունության ապահովման տեսանկյունից եւ շնորհակալություն հայտնել ավստրիական կողմին դրան աջակցելու համար: