Սերբիայի պաշտպանության նախարար Միլոշ Վուչեւիչն այսօր հայտարարել է, որ անվտանգային իրավիճակը Կոսովոյի հյուսիսում եւ Մետոխիայում շատ վտանգավոր է «Պրիշտինայի վարչակազմի միակողմանի, անօրինական եւ ոչ լեգիտիմ որոշումների պատճառով», տեղեկացրել է Tanjug-ը։
Հարցին, թե ինչպիսին է Կոսովոյի հյուսիսում եւ Մետոխիայում անվտանգության ընթացիկ սպառնալիքը, պաշտպանության նախարարն ասել է, որ «այն մեծ է, գուցե ամենամեծը հնարավորներից»։
Սերբական ԶԼՄ-ն նաեւ տեղեկացրել է, որ մի քանի հազար քաղաքացիներ այսօր առավոտյան հավաքվել են Զվեչանի քաղաքապետարանի առջեւ եւ տարածել 250 մետրանոց սերբական դրոշը։
Նրանց է դիմել Զվեչանի տեղական ինքնակառավարման ասոցիացիայի նախկին նախագահ Սրջան Միլոսլավլեւիչը, որը խաղաղ բողոքի կոչ է արել եւ խնդրել չհարձակվել ՆԱՏՕ KFOR ուժերի ներկայացուցիչների վրա։
