ՀՀ վարչապետ Նիկոլ Փաշինյանի որոշմամբ ՀՀ էկոնոմիկայի նախարար Վահան Քերոբյանը 2023 թվականի հունիսի 5-9-ը կգործուղվի Չինաստանի Ժողովրդական Հանրապետություն՝ Պեկին։
Բացի Քերոբյանից, Պեկին կգործուղվեն նաև ՀՀ էկոնոմիկայի նախարարության միջազգային համագործակցության վարչության պետ Արմեն Այվազյանը, ՀՀ էկոնոմիկայի նախարարության միջազգային համագործակցության վարչության երկկողմ և բազմակողմ համագործակցության բաժնի պետ Արմինե Իսրայելյանը, ՀՀ արտաքին գործերի նախարարության Ասիայի և Խաղաղօվկիանոսյան երկրների վարչության պետի պաշտոնակատար Սուրեն Բաղդասարյանը, ՀՀ պետական եկամուտների կոմիտեի միջազգային համագործակցության վարչության պետ Ներսես Զեյնալյանը, ՀՀ բարձր տեխնոլոգիական արդյունաբերության նախարարության միջազգային համագործակցության վարչության ԵՄ և միջազգային կազմակերպությունների բաժնի պետ Էլի Գևորգյանը, ՀՀ տարածքային կառավարման և ենթակառուցվածքների նախարարության արտաքին կապերի վարչության պետ Լիլիթ Սարոյանը։
Չինաստան կմեկնի նաև «Ներդրումների աջակցման կենտրոն» հիմնադրամի գլխավոր տնօրեն Լևոն Օհանեսյանը։
Նրանք մասնակցելու են Առևտրատնտեսական հարցերով հայ-չինական համատեղ հանձնաժողովի 11-րդ նիստին։
Վերադառնալուց հետո ՀՀ էկոնոմիկայի նախարարը պետք է եռօրյա ժամկետում հաշվետվություն ներկայացնի գործուղման արդյունքների մասին։
