Կառավարությունն իր այսօրվա՝ հունիսի 1-ի նիստում գերակա ոլորտում իրականացվող ներդրումային ծրագրի շրջանակներում ներմուծման մաքսատուրքից ազատեց 3 ընկերություններին:
Նրանցից առաջինը «ԱՍԷԴԼ» սահմանափակ պատասխանատվությամբ ընկերությունն է:
Որոշման հիմնավորման մեջ նշվում է, որ «ԱՍԷԴԼ» ընկերության կողմից ներմուծվող հումքը նախատեսվում է օգտագործել դռների և պատուհանների, ֆասադային կոնստրուկցիաների արտադրության համար։ Ընկերությունը նախատեսում է թողարկված արտադրանքը արտահանել ԵՄ և ԱՄՆ։
Արտադրությունն իրականացվելու է ՀՀ Երևան քաղաքում։ Ընկերությունը հիմնադրվել է 2004թվականին։
Արդեն իսկ իրականացվել է 50 մլն դրամի ներդրում։ Ծրագրի շրջանակներում նախատեսվում է իրականացնել 1 մլրդ դրամի ներդրում շինարարական աշխատանքների իրականացմանևհումքի ձեռքբերման համար։
Նախատեսվում է ներդրումային ծրագրի շրջանակներում ստեղծել 68 նոր աշխատատեղ՝ մինչև 220 հազ դրամ միջին ամսական աշխատավարձով։
Արտոնություն ստանալու համար ներկայացված ապրանքների արժեքը կազմում է 10 մլրդ դրամ: Մաքսատուրքից ազատման արտոնությունը գնահատվում է 1․1 մլրդ դրամ:
Մեկ այլ որոշմամբ գերակա ոլորտում իրականացվող ներդրումային ծրագրի շրջանակներում ներմուծման մաքսատուրքից ազատվեց «ՎՈԼՅՈՒՄ ԳՐՈՒՊ» սահմանափակ պատասխանատվությամբ ընկերությանը:
«ՎՈԼՅՈՒՄ ԳՐՈՒՊ» սահմանափակ պատասխանատվությամբ ընկերության կողմից ներմուծվող հումքը նախատեսվում է օգտագործել աշխատանքային ձեռնոցների արտադրության համար։ Ընկերությունը նախատեսում է թողարկված արտադրանքը իրացնել ՀՀ տարածքում։
Արտադրությունն իրականացվելու է ՀՀ Արթիկ քաղաքում։ Ընկերությունը հիմնադրվել է 2010թվականին։
Արդեն իսկ իրականացվել է 300 մլն դրամի ներդրում։ Ծրագրի շրջանակներում նախատեսվում է իրականացնել 662 մլն դրամի ներդրում հումքի ձեռքբերման համար։
Նախատեսվում է ներդրումային ծրագրի շրջանակներում ստեղծել 4 նոր աշխատատեղ՝ մինչև 101 հազ դրամ միջին ամսական աշխատավարձով։
Արտոնություն ստանալու համար ներկայացված ապրանքների արժեքը կազմում է 662 մլն դրամ: Մաքսատուրքից ազատման արտոնությունը գնահատվում է 30 մլն դրամ:
Երրորդ ընկերությունը, որ ազատվեց մաքսատուրքից, «ՆՅՈՒՊԼԱՍՏ» փակ բաժնետիրական ընկերությունն է:
«ՆՅՈՒՊԼԱՍՏ» ընկերության կողմից ներմուծվող հումքը նախատեսվում է օգտագործել կաթիլային ոռոգման համակարգերի արտադրության համար։
Արտադրությունն իրականացվելու է ՀՀ ք․ Երևանում։ Ընկերությունը հիմնադրվել է 2002 թվականին։
Ծրագրի շրջանակներում նախատեսվում է իրականացնել 4․2 մլրդ դրամի ներդրում ցանկում ներկայացված ապրանքների ձեռքբերման համար։
Նախատեսվում է ներդրումային ծրագրի շրջանակներում ստեղծել 20 նոր աշխատատեղ՝ մինչև 420 հազ դրամ միջին ամսական աշխատավարձով։
Արտոնություն ստանալու համար ներկայացված ապրանքների արժեքը կազմում է 4․2 մլրդ դրամ: Մաքսատուրքից ազատման արտոնությունը գնահատվում է 273 մլն դրամ:
