Մայիսի 29-ի ցերեկը Հրազդան քաղաքի Կենտրոն թաղամասում ծառայություն իրականացնող պարեկները նկատել են «Մերսեդես»-ի վարորդի կասկածելի վարքագիծը: իրենց տեսնելով վարորդը կանգնեցրել է մեքենան, կիսով չափ բարձրացել մի ավտոտնակի տանիքին եւ ինչ-որ բան թաքցրել:
Պարեկներն այնտեղ գտել են փաթեթ եւ գորշ զանգվածով լցված կաթուցիչ: Պարեկները թմրանյութ պահելու կասկածանքով ձերբակալել են նույն թաղամասի բնակիչ 23-ամյա երիտասարդին եւ 19-ամյա ուղեւորին:
Բացի այդ, մայիսի 30-ին, ժամը 23.35-ին Ծաղկաձորում ծառայություն իրականացնող պարեկները թմրանյութ պահելու եւ օգտագործելու կասկածանքով ձերբակալել եւ բաժին են տեղափոխել չարենցավանցի 22-ամյա մի երիտասարդի: Նրա պայուսակում հայտնաբերվել է մոխրացած զանգվածով մեկ կաթուցիչ եւ 2 ծխամորճ: Նա հայտնել է, որ դրանք իրենն են: