Ադրբեջանի Հանրապետության եւ Ղազախստանի Հանրապետության միջեւ ստորագրված 2023 թվականի երկկողմ ռազմական համագործակցության ծրագրի համաձայն Ադրբեջան է այցելել Ղազախստանի Հանրապետության պաշտպանության նախարարության պատվիրակությունը։

ԱՊԱ-ի հաղորդմամբ՝ այցի շրջանակում հյուրերն այցելել են ադրբեջանական բանակի ուսումնամարզական կենտրոն, Ռազմական կառավարման ինստիտուտի ռազմական խաղերի կենտրոն։

«Այնուհետ Ղազախստանի պատվիրակությունը այցեյել է կոմանդոսների զորամասերից մեկը։ Պատվիրակությունը ծանոթացել է զինծառայողների եւ զինտեխնիկայի համար ստեղծված պայմաններին, զորամասի ուսումնական կենտրոնում դիտել կոմանդոսների ցուցադրական ելույթները»,- լրատվամիջոցը մեջբերում է Ադրբեջանի ՊՆ-ի հաղորդագրությունը։