Տիգրան Մեծի պողոտայի նորակառույց շենքերից մեկում շինարարական աշխատանքներ իրականացնելիս վնասվել է մետրոյի «Հանրապետության հրապարակ» կայարանի պատը: Այս մասին NEWS.am-ին հայտեց Երևանի մետրոպոլիտենի մամուլի խոսնակ Տաթև Խաչատրյանը:

Նրա խոսքով, դեպքը տեղի է ունեցել նախօրեին, առաստաղին հարակից աննշան հատված վնասվել է, փոքր քարաթափում է տեղի ունեցել, ինչն արձանագրվել է մետրոպոլիտենի պահպանության բաժնի կողմից, և շենքի շինարարական աշխատանքները կասեցվել են:

Շինարարության հետագա ընթացքը կորոշվի փորձաքննությունից հետո: