Զապորոժիեի մարզի հարավարեւելյան մասում՝ Ազովի ծովի ափին գտնվող Բերդյանսկի ծովային առեւտրային նավահանգստի տարածքը ուրբաթ օրը Ուկրաինայի զինված ուժերի կողմից գնդակոծության է ենթարկվել, լրագրողներին հայտնել է տարածաշրջանի արտակարգ ծառայությունների ներկայացուցիչը, փոխանցում է Ինտերֆաքսը։
«Հարվածը տեղի է ունեցել ծովային նավահանգստի տարածքում։ Ըստ նախնական տեղեկությունների՝ զոհեր եւ ավերածություններ չկան»,-ասել է նա։
Զապորոժիեի մարզի «Բերդյանսկի ծովային առեւտրային նավահանգիստ» պետական ձեռնարկությունը վերսկսել է աշխատանքը անցած տարի հունիսին ականազերծումից հետո։ Ներկայումս, ինչպես հաղորդվում է, նավահանգիստը հիմնականում զբաղվում է հացահատիկի առաքմամբ։
