News
Լրահոս
News
Հինգշաբթի
Մարտ 28
Տեսնել լրահոսը


Ընտրողական մոտեցում չկա, ժողովրդավարական պրոցեսներ են, որոնք մեզ համար ու ձեզ համար ստանդարտից դուրս է: Այս մասին այսօր՝ հունիսի 1-ին, ԱԺ-ում լրագրողների հետ զրույցում նշեց արդարադատության նախարար Գրիգոր Մինասյանը՝ անդրադառնալով 16-ամյա տղային Դիլիջանի քրեականի պետի կողմից ծեծի ենթարկելուն եւ դրա հիմքով գործ չհարուցելուն:

«Ստանդարտից դուրս է, երբ կառավարությունը հսկայական գումարների գործ պարտվում է դատարանում: Բոլորս սովոր ենք, որ եթե պետությունն է, կառավարությունն է կողմը, պետք է հաղթի: Ստանդարտից դուրս է, երբ ԲԴԽ-ում դատավորին կարգապահական պատասխանատվության են ենթարկում ՄԻԵԴ-ի վ-ռի հիման վրա: Ստանդարտից դուրս է, երբ նույնիսկ վարչապետի դեմ դատական ակտ կայացրած դատավորը միեւնույն է առաջխաղացում է ունենում ի հեճուկս գործադիրի»,-ասաց նա:

Անդրադառնալով կոնկրետ գործին, նախարարն ասաց. «Քրեական օրենսգիրքը 81-րդ հոդվածում ունի գործուն զղջալու ինստիտուտ: Այսինքն եթե մարդը կատարել է հանցանք, որը միջին ծանրության է, եւ ոչ մեծ ծանրության, ապա եթե գործուն զղջում է, հատուցում է, ապա գործ կարող է եւ չհարուցվել:

Կոնկրետ այս գործով, ես գտնում եմ, որ կա հնարավորություն, որ վերադաս  դատարանը չեղարկի քննիչի՝ վարույթ չհարուցելու որոշումը, այնուհետեւ դատախազի հաստատումը այդ որոշման: Կա եւս մեկ ատյան, եթե չեմ սխալվում, ժամկետը եռամսյա է, այսինքն ժամանակ կա ուղղելու այս ամենը»:

Այդուհանդերձ Գրիգոր Մինասյանը պնդեց, որ այդ գործով ամեն ինչը քրեական օրենսգրքի տրամաբանության մեջ է. «Ունենք 81 հոդված, որ գործուն զղջալու հիմքով մարդուն կարող են պատասխանատվությունից ազատել, բայց ֆիքսվում է այդ մարդը որպես հանցանք կատարած անձ: Այսինքն այդ մարդը 5 տարի տեղեկատվական բազաներում այդպես է ֆիքսվում: Արդար է, որ ԶԼՄ-ները ֆիքսում են իրենց պատկերացմամբ ոչ 100 տոկոսանոց կոռեկտ գործընթաց: Արդար է, որ հանրությունը վրդովվում է, եւ արդար է, որ կա օրենքով սահմանված ժամկետ, որ դատախազն իրավունք ունի չեղարկել ստորադաս դատախազի եւ քննիչի որոշումները»:

Դիտարկմանը, որ եթե մամուլում աղմուկ չբարձրանար, գործը կոծկվելու էր, գնար, նախարարն արձագանքեց. «Ավելի շուտ պետք է հրապարակեիք: Պետք է լրագրողներն օգնեն մեզ, անընդհատ մեր աչքի դիմաց դնեն, որ հանկարծ մենք չկարողանանք սխալվել: Հուսամ մեր հաջորդ շփումների ժամանակ կկարողանանք արձանագրել, որ արդարությունը  վերականգնվել է»:

Նա մանրամասնեց, թե որն է գործուն զղջումը. «Դա վերաբերում է ոչ մեծ եւ միջին ծանրության հանցանքներին: Երկրորդ, եթե մարդն առաջին անգամ է հանցանք կատարում, զղջում է հատուցում է եւ քննիչը գտնում է, որ կարելի է այս մարդուն ներել: Հետո դատախազը պետք է հաստատի քննիչի որոշումը, մի հատ էլ ունենք երրորդ ատյան՝ դատախազության ատյանը, որը վերջնական կարողանում է հաստատել կամ հերքել»:

Նա նաեւ գնահատեց մամուլի դերը, որ որոշ բաներ է բացահայտում եւ ստիպում իր լծակներով հարցերը լուծել:

Նշենք, որ արդեն իսկ դատախազի որոշմամբ չեղարկվել է գործ չհարուցելու որոշումը եւ Դիլիջանի բաժնի քրեական հետախուզության բաժանմունքի պետ Ա. Ղայթմազյանի նկատմամբ  քրեական վարույթ է հարուցվել:

16-ամյա պատանուն ծեծի ենթարկած Դիլիջանի քրեականի պետին մեղադրանք է առաջադրվել. դատախազություն

Տպել
Կարդացեք նաև
Ամբողջը
Ճապոնիայում արդեն մահացել է կարմիր բրնձի սննդային հավելում օգտագործած չորս մարդ
Սննդային հավելումների օգտագործման հետեւանքով Ճապոնիայում մարդիկ են մահացել...
Արտաշատում պարեկները «BMW»-ով բերման ենթարկված 2 քաղաքացիներից մեկի մոտ թմրամիջոցներ են գտել , նրանցից մեկն անչափահաս է
Մարտի 23-ին, ժամը 14։00-ի սահմաններում ՀՀ ՆԳՆ Պարեկային ծառայության...
Երևանում «Toyota»-ի վարորդը ոչ սթափ վիճակում բախվել է 3 մեքենայի. 12-ամյա երեխան ու մայրը հոսպիտալացվել են
Այսօր՝ մարտի 28-ին, խոշոր ու շղթայական ավտովթար է տեղի ունեցել Երևանում…
Թայվանում տղամարդը հրաձգություն է սկսել նախարարության շենքում
Հրաձգություն Թայվանի թվային զարգացման նախարարության շենքում...
Դատարանը մերժեց «Ինտենսիվ այգիների» գործով Էկոնոմիկայի նախարարության վարչության պետի կալանքի երկարացման միջնորդությունը
«LSA» փաստաբանական գրասենյակի փաստաբաններ Արսեն Սարդարյանն ու Գուրգեն Ներսիսյանը շարունակում են դեռևս 2024թ. հունվարի 31-ին ՀՀ քննչական…
ԱՄՆ-ում դանակահարության հետեւանքով մահացել է չորս մարդ. AP
Իլինոյսի նահանգում դանակահարության հետեւանքով զոհվել է չորս մարդ...
Ամենաշատ